Филмските интернет портали пишуваат дека со објавување на промотивниот постер за филмот Batman: The Dark Knight Rises, откриен е неславниот крај на херојот од Готам.

Режисерот на филмот Кристофер Нолан минатата недела на неколку среќници од филмската индустрија им прикажал шест минути од филмот и открил дека Бетмен во последната авантура го затекнуваме во „лоша физичка состојба“.

Тогаш го прикажа и главниот негативец Бејн, јунак кој во стрипот се појавил во деведесетите години и бил познат како „човекот кој го скрши лилјакот“.

Со објавување на промотивниот постер, на кој се гледа скршената маска на Бетмен и Бејн кој заминува од „местото на злосторството“, филмските интернет портали пишуваат дека Нолан ќе се држи до старата приказна и дека негативецот, кој го игра Том Харди, „навистина ќе го скрши лилјакот“.