Пензионерка оштетила пет сосема нови автомобили во обид да го извади шестиот автомобил на пробно возење...

Марли Шилер (77) дошла во салонот на Volkswagen во германскиот град Аполд, за да разгледа автомобили. Избрала еден и одлучила да го повози за да го тестира.

Меѓутоа, не успеала ни да излезе од салонот, а веќе направила штета од неколку стотини илјади евра. Шилер наизменично го возела автомобилот напред и во рикверц, кружела низ салонот и оштетила пет сосема нови автомобили.

Со автомобилот го скршила и стаклениот излог на салонот и конечно застанала удирајќи во автомобилот паркиран на улицата.

Бабичката која сака автомобили поминала без ниту една гребнатинка, но нанела штета од околу 200.000 евра.