Колку пати сте посакале да можете да ги преспиете тешките периоди од животот? Или едноставно, се чувствувате толку уморно што би спиеле со месеци. Но, за Бетани-Роуз Гудиер, прекуумереното спиење е тешка болест.

Пред неа биле најубавите години од животот; требала да стане студентка, да запознае нови пријатели, да се дружи и да ужива со својот дечко. Но, кога еден ден отишла да спие, не се разбудила ниту другиот ден, ниту денот потоа...

Го пропуштила својот 17 роденден, Божиќ, Нова година, празниците и толку време на факултет што морала да се откаже. Со дечкото Адам била само три месеци пред „цврсто“ да заспие. За повторно да бидат заедно, морал да чека 6 месеци, после колку Бетани-Роуз се разбудила.

Адам вели дека бил многу исплашен, но тој толку ја засакал што не можел да си отиде и останал покрај неа, надевајќи се дека ќе се разбуди и ќе биде истата личност.

Бетани боледува од редок Клајн-Левин синдром, попознат и како синдром на „заспаната убавица“. Се претпоставува дека во светот од тој синдром боледуваат околу 1.000 луѓе.

Болеста се јавила по седум недели на студирање. Желбата за спиење била непобедлива. За време на долгото спиење, имала периоди на кратко будење во кои сакала да јаде купишта брза храна. Исто така, се однесувала како дете, гласот и се менувал, била дезориентирана и се и делувало како некој полусон. Кога се будела на подолго време, не се сеќавала на тој период.

За жал, за оваа болест нема лек, а научниците се уште ги проучуваат нејзините причини. Бетани може да спие со денови, месеци или години.

Спиењето никогаш не изгледало пострашно, зар не?