Во Јакутск животот како да запрел, луѓето само се движат од едно топло место на друго, живеејќи во исклучително сурови услови...

Но, жителите на градот се навикнати на студот. Тие ги издржуваат студените осуммесечни зими во арктичкиот круг, кога температурите паѓаат дури и до минус 64 степени. За луѓето тоа таму е нешто нормално, сепак се во Сибир.

Со население од 200 илјади лица, Јакутск се наоѓа во руската република Јакутија и е познат како најстудениот град во светот. Во 19-тиот век градот расцветал по откривањето на злато и вредни минерали, вклучувајќи ги и дијамантите под замрзнатата земја. 20% од светското производство на дијаманти доаѓа токму од тука.

Врската на градот со останатиот свет се аеродромот и реката Лена, по која во летните месеци минуваат траекти. Во зима, кога реката е замрзната, затворениците помагаат за претворање и во автопат, кој е главниот начин за транспорт.

Зајаците, лисиците и северните елени се одгледуваат поради нивната кожа, од кои се произведуваат палта, капи, чевли и друга облека. Но се разбира најважниот лек за студот во Јакутск останува вотката.

Сигурно не е лесно да живееш во Јакутск, но луѓето таму се упорни и иако се премрзнати, тие се горди жители на најстудениот град во светот.