Слоницата Шанти, која живее во Националната зоолошка градина во Вашингтон, има необично хоби - таа свири на усна хармоника со помош на својата сурла...

36-годишната азиска слоница свири на хармоника прикачена на нејзиниот кафез и ужива во тоа. Таа сака да ги забавува постетителите на зоолошката, но од таму велат дека знае да си засвири и за своја душа.

Според чуварката на градината, Деби Флинкман, Шанти е музички талентирана и своите песни секогаш ги завршува со големо крешендо.

Шанти, исто така, сака да удира по предметите, да замавнува со ушите и да ги трие нозете со цел да произведе различни звуци.