Во рудник во Финска е отворен ресторан кој се наоѓа на 80 метри под земјата...

Рудникот "Татори", во која е сместен локалот, се наоѓа на 60 километри западно од финската престолнина Хелсинки. Ресторанот, кој беше отворен официјално на 10 септември, располага со 64 места, кои веќе се резервирани за три недели однапред.

Посетителите ќе може да се спуштат со лифт и уште подлабоко - на 350 метри под земјата, за да се воодушевуваат на рударските галерии. Засега подземниот ресторан ќе работи експериментално до 29 септември. Се предлага пакет цена од 128 евра, во која се вклучени транспорт, вечера и пијалаци. За време на својот престој оние кои сакаат ќе можат да носат шлемови и други делови од рударски опрема.