Покрај патот близу рускиот град Перм, автомобил усмртил кучка, што страшно го растажило нејзиниот пријател кој се уште се „надева“ дека таа ќе оживее.

Уште пред недела дена, автомобилот на патот удрил несреќна женка која погинала на место. Набргу дошол нејзиниот пријател кој нејзиното безживотно тело го одвлекол од патот на ливадата, раскажале луѓето кои живеат близу до местото.

Кучето веќе речиси цела недела не се мрда од кучката и чека таа да оживее, а се обидува и да ја разбуди полека туркајќи ја со муцката и шепите.

Жителите на блиското село изјавиле дека ретко кој успева да ги задржи солзите кога ќе наиде на таа тажна и трогателна сцена.

Несреќното куче го хранат децата кои го посетуваат секој ден, но тој речиси ништо од тоа што му го носат не го јаде. Потресната снимка можете да ја видите овде.