Опремен со малку храна и вода, камера, ламба и куп книги, францускиот уметник се повлече во дупка на една недела за да чита.

Колку далеку би отишле за да пронајдете малку мир и тишина? Францускиот уметник Абрахам Поинчевал на една недела се закопа во мала дупка под една книжарница во Марсеј. Се што имал со себе било ламба, малку храна и вода, камера, и се разбира книги кои за него ги избрале во книжарата под која се сместил.

Поинчевал својот перформанс го започнал на 20 септември нарекувајќи го 604.800 секунди. Дупката во која се сместил била широка 62 сантиметри, а длабока 170 сантиметри, што значи дека во истата не можел ни да седи, ни да стои, а дупката е затворена со голем камен по што Поинчевал седум дена живеал изолирано од остатокот од светот, уживајќи во книгите.

Сите 604.800 секунди кои ги поминал под земјата, уметникот ги снимил со камера, па снимките ги закачил по ѕидовите на книжарницата, која му послужила како галерија.

По излегувањето од дупката кажал дека тоа за него било како вистинско патување, за што сведочеле и неговите потечени нозе, а додал и дека успеал да ги прочита сите книги кои ги понел со себе под земјата.