Уметникот кој се прослави откако зградата Reichstag ја замота во платно, а автопатот во Калифорнија го "накити" со жолти чадори, сега сака да ја направи најскапата и наголемата пирамида некогаш...

Западните медиуми пишуваат дека американскиот уметник со бугарско потекло, Христо Јованчеф (74) во пустината покрај Abu Dhabi планира да го изгради осмото светско чудо, односно најголемиот споменик кој човештвото го видел и тоа од 410.000 барели за нафта.

Во проектот наречен "Mastaba" уметникот планира да вложи неверојатни 340 милиони долари, а пирамидата висока 150 метри ќе се наоѓа во пустината, 160 километри од Abu Dhabi, престолнината на Обединетите Арапски Емирати.

Идеата за својот проект уметникот ја добил уште пред 30 години, инспириран од шарениот пустински песок, но немирите во арапскиот свет постојано го одложувале почетокот на градењето. Меѓутоа, сега и владетелите на Обединетите Арапски Емирати одобриле во пустината, во близина на границата со Oman, да се изгради "осмото светско чудо".

Градењето кое ќе трае 30 месеци, би требало да започне наредната година, а барелите во златна боја ќе ги офарба компанијата која ги изработува боите за Mercedes i BMW.