Ашера, најголемата, најретката, најегзотичната и најскапата мачка на светот, им го заврте умот на сите љубители на животни. Оваа чудна мачка која чини околу 12 илјади фунти, е со големина на мало куче, а телото и го красат пруги како на тигар и леопард...

Иако за повеќето ова би било превисока цена, листата на чекање за нејзините деветмесечни маченца го докажува спротивното. Британскиот бизнисмен Сајмон Броди се занимава со одгледување на овие мачки и ги продава за 11 илјади фунти.

Ашера е хибриден вид настанат со вкрстување на диви мачки - Африканска мачка и Азијски леопард, со вид на домашна мачка.

Оваа (пре)скапа мачка, кога ќе застане на задните нозе, достигнува висина од еден метар, а максимално тежи околу 13 килограми. Господин Броди се "колне" во нејзиниот мирен темперамент.

"Ашера е единствена, преубава мачка. Скапа е, но имам купувачи ширум Америка, Азија и Русија. Луѓето кои сакаат диви домашни миленици нема да зажалат ако потрошат 13 илјади фунти на мачка, а останатите повеќе би ги потрошиле парите за накит или голем телевизор", вели Сајмон.