Кјерстин Грујс од анорексија се излечила така што година дена не се погледнала во огледало. Дури ни на денот на својата венчавка. Дали вие би можеле така...

Кјерстин, социолог и писателка, била опседната со својот изглед и килограми. Затоа одлучила да спроведе едногодишен експеримент - од својот дом да ги исфрли огледалата.

Како се чувствувала за тоа време опишала во својата книга "Огледалце, огледалце: како научив да го сакам своето тело а да не го гледам година дена".

Таа вели дека со килограмите почнала да војува уште додека  била тинејџерка, а опседнатоста кулминирала пред закажување на венчавката.

Барајќи решение, случајно прочитала дека калугерките од една црква во ренесансна Италија на им било забрането да го гледаат својот одраз и да го набљудуваат своето тело во огледало.

Така одлучила да се обиде - ги отстранила сите огледала дома, не се погледнувала дури ниту на стаклата од излозите. Се средувала и облекувала "на невидено". Издржала дури и на денот на својата венчавка. Им верувала на другите: "Знаев дека нема да ме пуштат наоколу со остатоци од храна меѓу забите", вели Кјерстин.

После година дена, кога експериментот требало да заврши, таа во друштво на своето семејство и пријатели застанала пред големо огледало излепено со позитивни пораки. Додека ги одлепувала една по една, постепено можела да се види себе. "Експериментот успеа. Ја вратив изгубената самодоверба, помалку сум критична кон својот изглед".