Светот е се погруб и себичен, но сеуште постојат луѓе кои се подготвени да им помогнат на другите, а еден од нив е фризерот во пензија Ентони Сајмерис кој веќе 25 години бесплатно ги шиша бездомниците...

Поранешниот фризер, чиј надимак е "Бричот Џо", еднаш неделно ги шиша бездомниците во градот Хартфорд, во американската држава Конектикат, а своите услуги ги наплаќа со "пријателска прегратка".

Сајмерис (82) со хуманитарна работа, т.е. со шишање почнал во 1988 година, откако слушнал проповед во црквата за бездомниците.

Тогаш, пресниот пензионер, одлучил својата вештина да ја искористи за да им помогне на најсиромашните сограѓани. Ги земал ножиците и апаратот за бричење и тргнал низ градот, нудејќи ги своите услуги на бездомниците. Најпрво шишал и бричел во засолништата за бездомници, а денес го прошил подрачјето на своите активности.

Со своите постапки, тој потикнал и други, како Ед Галер и бети маги, и тие да му помогнат во хуманитарната работа. Така сега, додека Ентони шиша, Ед и Бети делат храна кој ја собрале.

"Едноставно ги сакам луѓето",објаснил Ентони, додавајќи дека шишањето можеби и не им значи многу на луѓето кои немаат кров над главата, но им помага да се чувствуваат подобро и пристојно да изгледаат доколку се пријават за некоја работа.