Мазна Мод Јусуф (38) од Малезија била уапсена затоа што му ги измила нозете на своето куче и така ги навредила муслиманите...

Таа е уапсена откако се појавила снимката на YouTube, на која се гледа како таа врши верски ритуал со миење на нозете на своето куче, го храни со колачиња и го шета покрај џамија.

По објавувањето на видео-снимката, нејзиниот ритуал наидел на остри критики од муслиманите и бил прогласен за анти-исламски, поради „сквернавење“ на религијата.

„Со својот видео-клип сакав да ги потсетам луѓето да го прослават крајот на Рамазан. Видеото е снимено од 2010 година и мислам дека на ниеден начин не го навредува Исламот“, рекла Јусуф, која била ослободена од притворот во Куала Лумпур, откако платила кауција.

Ако не се појави на судењето ќе мора да плати казна од 2.300 евра. Ако ја осудат, може да добие и затворска казна до 5 години.

Контроверзните снимки предизвикале дебата за статусот на кучињата меѓу муслиманите. Додека некои тврдат дека кучињата се валкани и треба да служат само за лов и да ги чуваат своите сопственици, други веруваат дека секој муслиман е должен да биде љубезен према сите суштества во светот.