Естонското Министерство за правда подготви предлог-закон, во кој се предвидува казна за нанесување на штета на здравјето на плодот, на пример, за пушењето за време на бременоста...

Во законот се вели дека ваквите намерни дејствија од страна на мајката за време на бременоста, како пушењето или земањето на други супстанции, штетни за плодот, ќе бидат казнети со затвор до 5 години или парична казна во износ од 96 до 1600 долари.

Според важечкиот закон казната се предвидува за луѓето чии дејствија или пропусти доведуваат до пропаст на бебето. Целта на новиот закон е да се заштити уште нероденото дете од активностите на мајката, која свесно му штети на здравјето на своето идно дете.

Според податоците на Институтот за здравствен развој минатата година 8,3% од жените пушеле во текот на бременоста.