Индиските лекари проучуваат 83-годишен старец кој тврди дека не конзумирал храна ниту пијалок повеќе од 70 години...

Воените доктори се надеваат дека нивните експерименти на светиот човек Prahlad Jani ќе им помогнат на војниците да развијат стратегија за преживување. Индиецот се наоѓа под 24 часовен надзор со тим од 30 лекари за време на три-неделниот тест во болницата во градот Ахмедабад во западна Индија.

Го снимаат две камери, додека е во собата, а се скенира неговото тело и со помош на електроди се мери активноста на мозокот и срцето.

"Овој маж треба да ни помогне во создавањето на стратегија за пребродување на долготрајна катастрофа, во екстермни и стресни услови како и за истражување на вселената при мисија на Месечината и Марс", рекол д-р G. Ilavazahagan.

Експериментот започнал на 22 Април и од тогаш старецот ниту јадел ниту пиел, а не отишол ни во тоалет. Тој тврди дека медитира и на тој начин добива енергија. Yogi тврди дека е благословен од божество кога имал 8 години и од тогаш немора да јаде ниту да пие.