Бројот на интернет корисници во светот на почетокот на 2011 година достигнал бројка од 2.08 милијарди, а најмногу од нив било регистрирано во земјите со пазари на експанзија, објавила меѓународната телекомуникациона унија...

Според податоците и агенцијата на Обединетите Нации, светската популација има двојно повеќе веб корисници во последните пет години (1.03 милијарди во 2005 година), а растот остварен во последните 10 години е уште поимпресивен.

Во почетокот на 2000 година, во светот имало само 500 милиони претплатници на мобилни телефони (5.28 милијарди во 2011 година) и 250 милиони корисници на интернет.

Водечкиот раст на бројот на веб корисници, како што објавиле медиумите, се земјите со пазари на експанзија, со регистрирани 1.119 милијарди веб корисници, што претставува пораст од 15.6% во однос на 2009 година, додека во индустриско развиените земји тој број достигнува 885 милиони, што претставува раст од 7.7% во однос на 2009 година.