Пејачката го одложила излегувањето на својот трет албум за следната година, пишуваат музичките медиуми...

Лиона Луис (26) на својот Твитер профил објави дека албумот Glassheart ќе излезе во март 2012 година, наместо во ноември оваа година.

Пејачката номинирана за три Греми награди во едно интервју рече дека издавачката куќа Syco се плаши да го објави нејзиниот албум затоа што не личи на претходните два.

„Навистина експериментирав, и нема да слушнете ништо блиску на звукот од Bleeding Love. Мислам дека издавачите можеби се преплашени и дека затоа одложуваат со објавувањето“, рече таа.

„Експериментот“ на Лиона ќе го чуеме на 26 март следната година.