Породилното боледување е завршено! Пејачката по четири години дискографска пауза почна да работи на новиот албум.

Пинк последниот албум Funhouse го објави во 2008 година, а во меѓувреме се помири со бившиот, стана мајка на малата Вилоу, издаде албум со хитови и сега е време за студиски албум.

„Им ветувам на фановите дека нема да снимам албум полн со приспивни песнички, но можеби некоја ќе ми се ‘испушти’. Сепак сум мајка која својата ќерка ја успиваше со песната You Are My Sunshine“, изјави Пинк.

Косата повторно ја исфарбала розева и на својот Твитер профил напишала: „Знаете што значи тоа - време е за нови песни!“

Датумот за излегување на новиот сингл и албум се уште не е познат, но познавајќи ја Пинк, тоа ќе биде наскоро, многу наскоро.