Billboard ја прогласи турнејата MDNA за најисплатлива во последните година дена.

Кралицата на поп музиката за година дена на турнејата заработила неверојатни 228 милиони долари, пишува Billboard. MDNA на тој начин е најисплатливата турнеја во последните 12 месеци.

Мадона очигледно ја привлекла публиката, но турнејата доби помешани оценки поради неколку скандали. На Французите прекратко им пееше, по пукањето во Колорадо на сцената вртеше пиштол, а Русите сакаа да и судат поради ширење на „блуд и неморал“.

Брус Спрингстин со E Streed е на второ место со 199 милиони, а трет е Роџер Волтерс со 186 милиони долари.

Сирк Ду Солеј и претставата инспирирана од Мајкл Џексон, како и бендот Coldplay заработиле по 147 милиони долари. Лејди Гага е побогата за 124 милиони, а кантри пејачите Кени Чесни и Тим Мерго за 96 милиони, додека бендот Ван Хален заработил 54 милиони.

На листата се и холандскиот виолинист Андре Рију (46), Дејв Метјуз (41), Барбра Страјсенд (40), кантри пејачот Џејсон Алдин (39), кантри бендот Lady Antebellum (38) и Red Hot Chili Peppers (22).

Овде се и Елтон Џон (32), Џастин Бибер (30), Pearl Jam (27) и Тејлор Свифт (26).