Ричи Самбор соопштил дека нема да оди на турнеја поради „приватни причини“.

Гитаристот кој е во бендот веќе 30 години соопштил дека нема да тргне на претстојната турнеја, без прецизирање на причината.

„Од лични причини нема да одам на турнеја“, соопшти Самбор и додаде дека им се извинува на фановите.

На сајтот на бендот кратко е наведено дека Ричи нема да свири со нив, но не е објавено кој ќе го замени. Самбор инаку е лечен во повеќе наврати од болест на зависност, па музичкиот печат наведува дека веројатно е на уште една „рунда“ во установа за рехабилитација. И во 2011 бендот мораше да ја продолжи турнејата без него, затоа што отиде на лечење од алкохолизам.