Хитот на Џими Бафет од 1977 година е заразен, но никој не очекуваше дека ќе му донесе огромно  богатство...

Според пишувањата на Business Weeka, песната "Margaritaville" е најисплатливата песна на сите времиња, но затоа постои добро објаснување. "Постојат два 'Margaritavillea'", вели Роберт Браунеис, професор по интелектуална сопственост на универзитетот Џорџ Вашингтон. "Авторското право ја штити песната која е извонредно вредна поради силните пари кои ги носи, а постои и заштитен знак кој се развил од насловот на песната, а тоа е законски друг облик на сопственост".

Како е тоа можно?

Името "Margaritaville" асоцира на нешто летно и безгрижно (за што се зборува и во самата песна) а Бафет тоа паметно го искористил и вложил во ланец ресторани и продавници со тропска тематика кои ги нарекол по песната. Со тоа, истиот назив носи смрзнати морски плодови, пилешки крилца, облека за мажи и жени и мебел за балкони.

Се проценува дека компанијата заработила 100 милиони долари минатата година.