Rover Curiosity e на пат кон Марс, но колку се одалечил од Земјата...?

НАСА објавила преку Твитер дека најновиот и најголемиот Ровер испратен на Црвената планета се наоѓа на околу 17.3 милиони километри од Земјата.

Curiosity низ вселената се движи со брзина од 118.700 километри на час, а го очекува уште многу пат. Мора да помине 567 милиони километри за да стигне до целта.

На Curiosity ќе му требаат околу 8 месеци за да стигне до Марс, а на површината на планетата ќе се спушти со посебна техника, која веќе порано е претставена во јавноста и која се нарекува "воздушен лифт".

Во атмосферата на Марс ќе влета со 20 илјади километри на час, а посебниот топлински штит, ќе се погриже Curiosity сигурно да влезе во атмосферата и притоа да не изгори. По тоа ќе го забави падобран и на крајот четири ракетни стабилизатори на воздушниот лифт. Сето тоа досега не било изведено во вселената, а во НАСА се надеваат дека се ќе оди точно според планот.