Репродуцирањето на одредени звуци за време на сонот може да има позитивно влијание на паметењето, тврдат германските научници.

Според резултатите на нивните експерименти, кои ги објавиле во списанието Neuron, репродукцијата на звуци синхронизирани со ритамот на лесните осцилации на мозичните активности во текот на сонот резултирало со подобрување на паметењето.

Истражувачите веруваат дека таа метода има потенцијал да стане неинвазивно средство за подобрување на паметењето.

Во истражувањето учествувале 11 испитаници, а се покажало дека стимулацијата на звуците може да го поправи и квалитетот на сонот.