Дали знаете како тарантулите се движат по мазни вертикални површини?

Новото научно откритие покажа дека тие големи, но многу чувствителни пајаци испуштаат свила од врвовите на своите екстремитети и на тој начин се фаќаат за мазни вертикални површини, без страв од пад.

Студијата за тоа откритие објавена е во списанието Journal of Experimental Biology, а на научниците ги интересирало дали тарантулите оставаат трагови на местата каде што нивните нозе ја допираат површината.

Тајната ја открил микроскопот. Поставиле експеримент со вертикална стаклена површина по која тарантулата оди и со лесно тресење на стаклото под нозете на пајакот, дошле до нивните тајни. Како и кај сите останати пајаци, тарантулите имаат влакна за фаќање на нозете, но за големите тарантули тоа не е доволно.

Идејата дека тие големи пајаци ја поседуваат способноста како суперхеројот Спајдермен, се појави во 2006 година во списанието Nature, но таа идеја брзо е отфрлена, затоа што други научници тврдеа дека излачуваат свила низ нивните нозе. Биле во право, а тоа го потврди доктор Клер Ринд од универзитетот во Њукасл, која го смислила едноставниот и веќе споменат експеримент.

„Тие се прекрасни суштества и го имаат тој прекрасен начин со чија помош се движат и кој ме фасцинира“, рече Ринд за BBC.

Во нејзиниот експеримент користени се чилеански тарантули, кои оделе по вертикална стаклена површина, која всушност е направена од стакленца за гледање под микроскоп. Ги интересирало што се случува ако површината стане несигурна, а резултатот го виделе дури под микроскоп.

„Трагите од свила не можевме да ги видиме со голо око, но кога стакленцата ги ставивме под микроскоп, можевме да забележиме дури по 30 свилени нишки на местата каде што ногата на тарантулата се лизнала од површината“, објасни Ринд.

Тоа што е докажано со експеримент е дека тарантулите исфрлаат свилени нишки низ нозете, за да го задржат тeлото под нозете на несигурни површини.