Германската полиција вчера соопшти дека маж облечен како Дедо Мраз дрогриал едно девојче на саем организиран по повод Божиќ во Берлин.

Девојчето било осма таква жртва минатата седмица.

Портпаролот на полицијата, Иво Хабеднак рекол дека мажот на девојчето и на нејзината пријателка им понудил картонска чаша со алкохол во сабота вечер на саемот во Александерплас.

Едното девојче одбило, но второто ги испило двете чаши и наскоро почнало да повраќа по што е хоспитализирано.

Во другите случаи, неидентификуван маж нудел мали чашки алкохол, велејќи дека го прославува роденденот на своето дете.

Полицијата соопштила дека некои жртви, во главно млади жени, изгубиле свест и дека наскоро потоа се хоспитализирани.