Група крадци во понеделникот однела 18 тони чоколада од една фабрика за слатки во западна Австрија, соопштила австриската полиција...

Крадците во себе имале лажни документи и се претставиле како доставувачи со задача слатките да ги испорачаат за купувачите во Чешка. Бидејќи пакетите со чоколада никогаш не стигнале на местото каде што треба, фабриката два дена подоцна ја известила полицијата која сеуште трага по крадците.

И додека во Австрија се краде чоколадо на големо, во Велика Британија произведуваат чоколада која не се топи.

Имено, стручњаците од познатата фирма "Ketberi" успеале да добијат чоколада отпорна на топлина. Тестовите покажале дека чоколадата останува непроменета и по три часа во инкубатор, на температура од 40 степени Целзиусови.

"Ова откритие е многу важно затоа што овозможува подобра продажба на чоколадите во неразвиените земји во кои често нема адекватни уреди за чување на овие намирници чувствителни на промена на температурата и нивото на влажност", изјавил претседателот на копманијата.