Чешкиот претседател Вацлав Клаус вчера потпиша закон со кој употребата на марихуана за медицинско лечење станува легална во Чешка.

Клаус вчера потпиша закон откако порано го одобрија двата дома на парламентот. Со овој закон се одобрува увоз, а подоцна и локално одгледување на марихуана во посебно регистрирани фирми.

На пациентите ќе им биде потребен лекарски рецепт за да го добијат лекот во аптека и тоа лечење нема да го покрива здравственото осигурување, а болните ќе можат да одгледуваат марихуана и дома.

Употребата на медицинска марихуана е легална во бројни европски држави, како и во делови во Соединетите Американски Држави. Таа се користи за ублажување на хронични болки и болките кај заболените од рак.