Поранешниот светски шампион во бокс Џејмс Пејџ беше уапсен во калифорнискиот град Окленд под сомневање за извршени 8 грабежи на банки за последните 3 месеци...

42-годишниот Пејџ ја почнал серијата грабежи на 6 март годинава. Допрва неговата вина треба да биде докажана. Во 2012 година, поранешниот светски шампион излезе од затвор, каде одлежа 11 година токму за банкарски грабеж.

Најстрогата казна Пејџ ја добил за грабежот на филијалата на Bank of America во Атланта во ноември 2001 година По излегувањето од затвор, во ноември минатата година тој направи обид да се врати на рингот, но беше исфрлен уште во вториот круг.

Пејџ станува светски шампион во категорија до 66,7 килограми, верзија WBA (Светска боксерска асоцијација), победувајќи го во 1998 година Русинот Андреј Пестрјаев. Откако три пати ја одбрани титулата, во 2000 година тој е лишен од неа, бидејќи го откажа четвртиот натпревар.

Последната негова борба е во 2001 година, кога беше поразен од Ендрју Луис, по што поранешниот светски шампион се преквалификува во криминалец за ограбување банки. Пејџ има 30 меча на професионалниот ринг, од кои 25 победи (19 со нокаут) и 5 загуби.