Италијанските спасувачки служби извлекле денес уште 17 тела, жртви од бродоломот на островот Лампедуза...



Во несреќата во четвртокот минатата недела, се удавени 300 бегалци од Африка, со што вкупниот биланс на жртвите се искачува на 211 луѓе и тоа е официјалната бројка на загинати луѓе. 155 луѓе се спасени откако се запалил нивниот брод и потонал.

Командантот на крајбрежната стража, Филипо Марини, изјавил за АФП дека меѓу 17 пронајдени тела денес, имало 8 жени, а уште 150 луѓе се водат за исчезнати. Нуркачите се надеваат дека ќе ја завршат потрагата до утре и продолжиле со потрага по телата на давениците од бродот, на кој се наоѓале околу 500 бегалци.

Акцијата за извлекување на телата од морето била стопирана во петокот, еден ден после несреќата, поради големите бранови во морето, во близина на островот Лампедуза. Инаку, бродоломот што се случил во четврток, бил еден од најтрагичните случувања поврзани со емигранти на Средоземното Море.