Во градот Доњецк на истокот во Украина од синоќа е воведен полициски час, соопштила прес службата во самопрогласената Доњецка народна република (ДНР)...



„Полицискиот час ќе стапи во сила помеѓу 22:00 - 6:00 часот“, наведува извор од прес службата на ДНР.

Освен тоа во Доњецк вчера во 20:00 часот е прекинат јавниот превоз, а оваа мерка ќе трае се додека не се нормализира ситуацијата во градот.

Граѓаните ќе мораат да носат лични документи со себе во секој момент. Украинските сили на безбедноста вчера, по втор пат, се бореа со проруските активисти во Доњецк, а владата на Украина соопштила дека ќе продолжи со воената офанзива се додека не се истераат сите терористи од украинската територија.