Ријана заедно со останатите 300 гости била евакуирана од луксузниот хотел “Коринтија” во Лондон бидејќи се запалил лифтот...

24-годишната пејачка на “Твитер” напишала за пожарот кој избил рано утринава и објавила фотографија од противпожарното возило пред хотелот. Таа објавила и своја фотографија на која седи на задното седиште на такси возило, делува поспано, а очите ги сокрила зад темни очила за сонце.

Противпожарните екипи навреме го спречиле пожарот кој избил на седмиот кат од хотелот. За среќа, нема повредени и пожарот предизвикал само мала штета.

Во неделата пејачката настапи како гостинка на Џеј Зи, на фестивалот "Hackney Weekend".