Англија | Со вечерашната пресметка се спушти завесата од второто коло во новата сезона од Премиерлигата, Манчестер јунајтед имаше прилика да направи низа од две победи, меѓутоа беше сопрен од незгодниот Вулверхемптон.

Вулверхемптон и Манчестер јунајтед ги поделија бодовите играјќи реми со резултат 1-1 во последниот меч од второто коло во Премиерлигата, резултатот по првите 45 минути игра гласеше 0-1 во корист на „Црвените ѓаволи“.

Марсијал во 27. минута ги доведе гостите во водство од 0-1 кои со таа предност заминаа на паузата, меѓутоа по само десет минути игра во второто полувреме Невеш со еден спектакуларен гол израмни на 1-1.

Манчестер јунајтед имаше прилика повторно да дојде до водство откако беше направен прекршок за најстрога казна врз Погба, а истиот фудбалер во 68. минута не успеа да погоди од белата точка по одличната реакција на Руи Патрисио, а резултатот 1-1 остана до крајот на пресметката.

Извор: 24FUDBAL.com.mk